विराटनगर । मोरङको विराटनगर महानगरपालिका वडा १७ मटेरुवा स्थितबाट मोटरसाईकल चोरीमा संलग्न १ जनालाई पक्राउ गरिएको छ । पक्राउ पर्नेमा सुनसरी रामधुनी नगरपालिका वडा ३ घर भई विराटनगर महानगरपालिका वडा ११ मा डेरा गरी बस्ने २८ बर्षिय उमेश दाहाल रहेका छन्।
मिति २०७८ मंसिर २६ गते राती ८:३० बजे विराटनगर स्थित कोशी अस्पतालको परिसरमा पर्किङ गरी राखेको को.२५ प ५०२४ नम्बरको बुलेट मोटरसाईकल चोरी भई खोजतलास गर्ने क्रममा प्रहरी चौकी मटेरूवाबाट खटिएको प्रहरी टोलीले भारतको जोगवनी तर्फ लादै गरेको अबस्थामा मोटरसाईकल सहित दाहाललाई पक्राउ गरिएको हो ।
पक्राउ परेका दाहाललाई सम्मानित मोरङ जिल्ला अदालतबाट चोरी कसूरमा म्याद थप गरी अनुसन्धान भईरहेको जनाएको छ ।
