विराटनगर । मोरङको पथरीशनिश्चरे नगरपालिका–१ स्थित पथरी बजारमा शृङ्खलाबद्ध चोरीमा संलग्न २ जनालाई पक्राउ गरिएको छ ।
पक्राउ पर्नेमा पथरी वडा नं. १ बस्ने १९ बर्षिय निमा तामाङ र सन्तोष सुब्बा रहेका छन् । उनीहरु विभिन्न मिति र समयमा मोबाईल, सवारीसाधन, नगद, सामान तथा गरगहना चोरीको आरोपमा पक्राउ परेका हुन् । प्रहरीले उनीहरुको साथबाट मोवाईल ३ थान, ट्याबलेट १ थान, चाँदीको सिक्री १ थान र गाडीको चाबी १ थान समेत बरामद गरेको छ ।
यसअघि निमा तामाङलाई डाका मुद्धामा २०७७ साउन १३ गते जिल्ला अदालतको आदेशानुसार बाल सुधार केन्द्र समेत पठाईएको थियो । पक्राउ परेका उनीहरुमाथि भने ईलाका प्रहरी कार्यालयबाट थप अनुसन्धान भईरहेको जनाईएको छ ।
