झापा । झापाको कमल गाउँपालिका वडा ५ स्थित पुर्व पश्चिम राजमार्गमा बस र मोटरसाईकल आपसमा ठक्कर लागि दुर्घटना हुँदा मोटरसाईकल चालकको मृत्यु भएको र पछाडि सवार घाईते भएका छन । मृत्यु हुनेमा सुनसरीको बराहक्षेत्र नगरपालिका वडा १० बस्ने २२ बर्षिय अभिषेक यादव रहेका छन ।
बुधबार बेलुकी करिब ५ बजे पुर्वतर्फ जाँदै गरेको को.१ क नम्वरको बसले विपरित दिशाबाट आउदै गरको प्र.१-०२-०४८ प ३०८९ नम्वरको मोटरसाईकललाई ठक्कर दिएको थियो । ठक्कर लागि घाईते भएका यादव र सोही स्थानका २५ बर्षिय राम कुमार खड्काको लाइफ लाइन अस्पताल दमकमा उपचार गर्नका लागि लगिएको थियो। उपचारको क्रममा यादवको मृत्यु भएको हो ।
ठक्कर दिने बस र चालक झापा दमक नगरपालिका वडा २ बस्ने सोम बहादुर गुरुङलाई इलाका प्रहरी कार्यालय दमकले नियन्त्रणमा लिई अनुसन्धन भईरहेको जनाएको छ ।
