सुनसरी । सुनसरीको बर्जु गाउँपालिका वडा २ स्थित सडक खण्डमा मोटरसाईकल र साईकल ठक्कर लागि दुर्घटना हुँदा मोटरसाईकल चालकको मृत्यु भएको छ ।
मृत्यु हुनेमा सुनसरी बर्जु गाउँपालिका वडा ६ बस्ने २२ बर्षिय रंजित चौधरी रहेका छन । शनिबार दिउँसो करिब ३ बजे को.२१ प ९४४६ नम्वरको मोटरसाईकलले साईकल यात्री बर्जु गाउँपालिका वडा १ बस्ने ४५ बर्षिय चमरु ऋषिदेवलाई ठक्कर दिंदा दुबै जना घाईतेलाई नोवेल अस्पताल विराटनगरमा उपचार गर्न लगिएको थियो । उपचारको क्रममा मोटरसाईकल चालक चौधरीको मृत्यु भएको हो ।
घटना बारेमा इलाका प्रहरी कार्यालय दुहबीबाट थप अनुसन्धान भईरहेको जनाएको छ ।
