विराटनगर । विराटनगर ९ पान्चाली मोडमा रहेको स्पार्क नेचुरोप्याथी एण्ड फिजियोथेरापी हस्पिटलको छैटौ वार्षिकोत्सवको अवसरमा निःशुल्क स्वास्थ्य शिविर तथा रक्तदान कार्यक्रम गरिएको छ ।
शिविरमा स्थानीय एवं अस्पातालका कर्मचारीहरुले रक्तदान गरेका थिए । छैटौ बार्षिक उत्सवको अवसरमा शुक्रबार र शनिबार आयोजना गरिएको निशुल्क स्वास्थ्य शिविरमा अस्पतालका विशेषज्ञ चिकित्सकहरुद्धारा जाँच गरिएको थियो । वार्षिकोत्सवमा ५० जनाले रक्तदान गरेको अस्पतालका व्यावस्थापक संजिव कोईरालाले जानकारी दिए । विरामीलाई आवश्यक औषधी पनि निःशुल्क वितरण गरेको थियो ।
सो अवसरमा दुर्गम क्षेत्र र ६० वर्ष माथिका विरामीलाई २५ प्रतिशत छुट गरी शिविरमा जाँच गरिएका अन्यलाई २० प्रतिशत छुट र भर्ना गरेका लाई ५० प्रतिशतसम्मको छुट दिइएको अस्पतालले जनाएको छ ।
