विराटनगर । बुधबार रातिदेखि नै भारी वर्षाका कारण चितवनको भरतपुरको हाकिम चोकमा रहेको बसपार्कमा पाँच दलीय गठबन्धनले आयोजना गरेको आमसभा स्थल डुबानमा परेको छ ।
बुधबार रातिदेखि परेको भारी वर्षाका कारण सभास्थल जलमग्न भएको हो ।
सभास्थलमा सजाएर राखिएको झन्डा, ब्यानरहरु समेत डुबानमा परेका छन् । सत्तारुढ पाँच दलले चितवनको भरतपुर महानगरपालिकामा बिहिबार संयुक्त चुनावी सभा हुँदै छ । सभास्थल जलमग्न भएपछि अब के गर्ने भन्ने कुरामा अन्याेलमा परेका छन् ।
उक्त सभालाई विभिन्न दलका शीर्ष नेताहरुले सम्बोधन गर्ने तयारी रहेको छ । सभालाई सम्बोधन गर्नका लागि विभिन्न दलका शीर्ष नेताहरु बुधबार नै चितवन पुगिसकेका छन् ।
तस्बिर : मेट्राे पत्रिका
