विराटनगर । सुनको मूल्य प्रतितोला ५०० रुपैयाँ बढेको छ ।
बिहिबार सुनको मूल्य ५०० रुपैयाँले बढेको नेपाल सुनचाँदी व्यवसायी महासंघले जनाएको हो । मूल्य बढेसँगै छापावाल सुनको मूल्य ९६ हजार ३०० रुपैयाँ र तेजाबी सुनको मूल्य ९५ हजार ८०० रुपैयाँ छ । बुधबार छापावाल सुनको मूल्य ९५ हजार ८०० र तेजाबी सुनको मूल्य ९५ हजार ३०० रुपैयाँ थियो ।
यस्तै, आज चाँदीको मूल्य पनि तोलामा ५ रुपैयाँ बढेर १२ सय ५५ रुपैयाँ पुगेको छ । बुधबार चाँदीको कारोबार मूल्य १२ सय ५० रुपैयाँ रहेको थियो ।
