विराटनगर । विराटनगर महानगरपालिका वडा नं. ६ स्थित बिएफएम छेउको जुनेली मार्गको कल्भर्ट पुर्ननिमार्ण गरिएको छ ।
आवर विराटनगर डटनेटको समाचार प्रभाव स्वरुप भ्वाङ परेको कल्भर्ट पुनः निमार्ण गरिएको हो । गएकोे बैशाख ७ गते ‘कल्भर्टमा मान्छे छिर्ने भ्वाङ, जनप्रतिनिधी भने चुनावमा व्यस्त’ शीर्षकमा आवर विराटनगरले भिडियो रिपोर्ट सहितको समाचार प्रकाशन तथा प्रसारण गरेको थियो । समाचार प्रसारण गरेको केहीदिनमै कल्भर्टको पुर्ननिमार्ण कार्य सुरु भएको थियो । बिएफएमदेखि केही मिटर उत्तरमा रहेको पाथिभरा जिम क्लब अगाडिको उक्त कल्भर्टको पुर्ननिमार्ण कार्य हाल सम्पन्न भईसकेको छ । समाचार प्रसारण गर्नुपूर्व करिब २ महिनादेखि उक्त कल्भर्ट क्षतिग्रस्त अवस्थामा थियो । चारचक्के सवारीसाधनको भार थेग्न नसकेर कल्भर्टमा ठूलो भ्वाङ परेको थियो ।
स्थानीयले वडाध्यक्ष र महानगरपालिकाका जनप्रतिनिधीलाई समेत कल्भर्ट पुर्ननिमार्णका निम्त्ति हारगुहार गरेका थिए । तर, कुनै सुनुवाई भएको थिएन । हाल कल्भर्ट पुर्ननिमार्ण भएपछि स्थानीयले पनि खुशी व्यक्त गरेका छन् ।
मेयरको मर्मत कोषबाट जुनेली मार्गको कल्भर्ट पुर्ननिमार्ण गरिएको वडा नं. ६ को कार्यालयले जनाएको छ । कार्यालयका अनुसार करिब अढाई लाख रुपैयाँको लागतमा उक्त कल्भर्ट पुर्ननिमार्ण गरिएको हो ।
यो पनि पढ्नुहोस : विराटनगर–६ : कल्भर्टमा मान्छे छिर्ने भ्वाङ, जनप्रतिनिधी भने चुनावमा व्यस्त
