विराटनगर । मोरङ र सुनसरीका छुट्टाछुट्टै स्थानमा पानीमा डुबी २ बालकको मृत्यु भएको छ ।
बिहिबार दिउँसो सुनसरीको कोशी गाउँपालिका-५ कुमियाही स्थितमा रहेको कुमियाही खोलामा नुहाउने क्रममा स्थानीय नजारुल हकको ९ बर्षीय छोरा नफाजल हक पानीमा डुबी मृत अवस्थामा फेला परेका थिए ।
यसै गरी मोरङको जहदा गाउँपालिका-७ का अशोक मण्डलको ११ बर्षीय छोरा तरुण मण्डल घर नजिकै रहेको खहरे खोलामा पौडी खेल्ने क्रममा पानीमा डुबी मृत अवस्थामा आफन्तले फेला परेका थिए ।
मृतक लाशलाई पोष्टमार्टमको लागि अस्पताल पठाईएको र घटना बारेमा प्रहरी कार्यालयबाट थप अनुसन्धान भईरहेको जनाएको छ ।
