नेपाल दूरसञ्चार कम्पनी लिमिटेडले आर्थिक बर्ष २०७८/७९ को चौथो त्रैमासको वित्तिय विवरण प्रकाशित गरेको छ। विवरण अनुसार कम्पनीले चौथो त्रैमासमा रु.८.३८ अर्ब खुद नाफा आर्जन गरेको छ। खुद नाफा अघिल्लो आर्थिक वर्षको चौथो त्रैमासको तुलनामा १७.५४% ले बढी रहेको छ। खुद नाफा बढे पनि शेयर संख्या बढेकाले कम्पनीको प्रति शेयर आम्दानी भने रु.४७.५३ बाट घटेर रु.४६.५६ कायम हुन आएको छ।
ग्राहकलाई दिएको सेवा वापत आयमा ५.४४% को वृद्धि तथा कुल राजस्व आयमा ५% को वृद्धि आएको कारणहरुले गर्दा खुद नाफा बढेको हो।
रु.१८ अर्ब चुक्ता पूंजी रहेको टेलिकमको जगेडा तथा कोष ३.१९% ले बढेर रु.७७.०६ अर्ब पुगेको छ। यस्तै, कम्पनीको कुल शेयरधनीकोष पनि बढेर रु.९५.०६ अर्ब कायम भएको छ। कम्पनीको प्रति शेयर किताबी मुल्य भने रु.५९७.८८ बाट घटेर रु.५२८.१३ कायम हुन आएको छ।
