चलचित्र ‘नाइँ नभन्नू ल–६’ निर्माण हुुने भएको छ । निर्माण पक्ष अहिले स्क्रिप्ट लक गर्ने तयारीमा छ ।
“अबको केही दिनमा स्क्रिप्ट लक हुन्छ । स्क्रिप्टमा काम भइरहँदा कलाकार पनि छनोट गरिरहेका छौँ,” निर्देशक विकासराज आचार्यले भने । अहिले गीत रेकर्डिङको काम भइरहेको छ ।
चलचित्रमा आँचल शर्मा फाइनल भइसकेकी छन् । अन्य कलाकार पनि अनुबन्ध गर्ने तयारी भइरहेको विकास बताउँछन् । चलचित्रको छायांकन दसैं पछाडि हुनेछ । विकास आफैंले निर्देशन गर्ने चलचित्र काठमाडौं, झापा र इलाममा छायांकन हुनेछ ।
चलचित्रको कथा पनि विकास स्यंमले लेखेका हुन् । ‘नाइँ नभन्नू ल–६’ नेपालकै सबैभन्दा लामो सिरिज हो ।
