काठमाडौं उपत्यकामा सवारी साधन तोडफोड गर्न खोज्ने १९ बन्दकर्ता पक्राउ परेका छन् ।
काठमाडौंबाट १८ जना र ललितपुरबाट एकजना बन्दकर्ता पक्राउ गरिएको नेपाल प्रहरीका केन्द्रीय प्रवक्ता प्रहरी नायव महानिरीक्षक टेकप्रसाद राईले जानकारी दिए ।
उनका अनुसार उपत्यकामा बन्दको प्रभाव सामान्य छ । कैलालीलगायत केही क्षेत्रमा शंकास्पद वस्तु फेला परेका छन् ।
प्रवक्ता राईका अनुसार उपत्यकामा ठूलो संख्यामा प्रहरी परिचालन गरिएको छ । सवारी साधनहरू आवागमनमा केही असर परेको प्रहरीले जनाएको छ । आज नेत्रविक्रम चन्द विप्लव नेतृत्वको नेकपाले नेपाल बन्द आह्वान गरेको छ । बन्द सफल बनाउन नेकपाका कार्यकर्ता ठाउँ–ठाउँमा सवारी आवगमन अवरोधमा उत्रिएका छन् ।
