काठमाडौँ । काठमाडौँ महानगरपालिकाले नयाँ बानेश्वरमा रहेकाे अल्फा बिटा कम्प्लेक्सकाे अवैध संरचनामा डाेजर चलाएकाे छ ।
बिहीवार दिउँसाे महानगरको दलबलसहित अल्फा बिटा कम्प्लेक्स पुगेर अवैध संरचना डाेजर चलाएकाे हाे । यसअघि बिहिबार बिहान अवैध संरचना हटाउन पुगेका मेयर र कम्प्लेक्सका निर्देशक द्विराज शर्माबीच चर्काचर्की भएको थियाे ।
अल्फा बिटाले सडकपेटीमै पार्किङ गराइरहेको र नक्सामा उल्लेख भएभन्दा बाहेकको संरचना बनाएको भन्दै मेयर बालेन्द्रले तत्काल भत्काउन निर्देशन दिएका थियाे । आफूले नक्सा पासअनुसार नै संरचना बनाएको निर्देशक शर्माले जवाफ दिएपछि मेयर साहले नक्सा माग्दा चर्काचर्की परेकाे थियाे ।
अहिले महानगरले अवैध संरचना र पार्किङकाे नक्सा पास गरेर अरू नै प्रयाेजनमा लगाउनेमाथि कारबाही थालेकाे छ । यसअघि सुन्धारा र न्युराेड क्षेत्रमा बनाइएका अवैध संरचना भत्काएकाे थियाे ।
