विराटनगर । नवौं राष्ट्रिय खेलकुद प्रतियोगिताको लागि मोरङ जिल्लाबाट छनोट भएका बास्केटबल खेलाडीको बिदाई गरिएको छ ।
मोरङ बास्केटबल संघले विराटनगरको विकेभिएम स्कुलमा मंगलबार एक कार्यक्रमको आयोजना गरी छनौट भएका खेलाडीहरुलाई विदाई गरेको हो ।
बास्केटबलका महिला तथा पुरुष दुवै खेलाडीलाई मोरङ जिल्ला खेलकुद विकास समितिको तर्फबाट टिसर्ट र प्रदेश १ खेलकुद विकास बोर्डले ट्रयाक सुट प्रदान गरेको थियो ।
दुवै संस्थाले उपलब्ध गराएको ट्रयाक सुट पुरुष टिमको व्यवस्थापक आशिक प्रधान , महिला टिमका प्रशिक्षक दिपेश कट्वाल र महिला टिमकि ब्यवस्थापक अनुपमा बास्तोलाले खेलाडीलाई प्रदान गर्दै विदाई गरेका थिए ।
धरानमा असोज ६ देखि ८ गते सम्म हुने प्रदेश १ स्तरीय छनोट प्रतियोगिताको लागि सम्पुर्ण खेलाडीहरुलाई बिदाई गरिएको मोरङ बास्केटबल पुरुष टिमको प्रशिक्षक सरोज लम्सालले जानकारी दिए ।
