सुनसरी । सुनसरीको दुहवीस्थित नेपाल विद्युत प्राधिकरणको ग्रिड शाखामा कार्यरत कर्मचारी करेन्ट लागेर सोमबार साँझ मृत्यु भएको छ।
दुहबी नगरपालिका-३ मा रहेको नेपाल विद्युत प्राधिकरणको ग्रिड शाखामा कार्यरत बुढीगंगा गाउँपालिका-४ का ४१ बर्षीय महमत साबिर मियाको करेन्ट लागेर मृत्यु भएको हो ।
सोमवार बेलुका कार्यालय पेरिमिटर भित्र पानी चलाउने मोटर जोड्ने क्रममा अचानक करेन्ट लागेर घाईते भएका मियालाई उपचारको लागी बिराट मेडिकल कलेज लगिएको थियो । उपचारको क्रममा मियाको मृत्यु भएको ईलाका प्रहरी कार्यालय दुहबीले जनाएको छ ।
घटना सम्बन्धमा प्रहरीले थप अनुसन्धान गरिरहेको जनाएको छ ।
