काठमाडौं । उद्योगपति विनोद चौधरीले कांग्रेसबाट नवलपरासी (बर्दघाट सुस्ता पश्चिम) १ बाट उम्मेदवारी दिने भएका छन्।
प्रतिनिधि सभा सदस्यका लागि चौधरीले नवलपरासी (बर्दघाट सुस्ता पश्चिम) १ बाट उम्मेदवारी दिन लागेका हुन्।
यसअघि समानुपातिकबाट प्रतिनिधिसभा सदस्य समेत रहेका चौधरी पहिलोपटक प्रत्यक्ष उम्मेदवार बन्न लागेका हुन् ।
२०७० को संविधान सभा चुनावमा नेकपा एमालेले चौधरीलाई यही क्षेत्रमा प्रत्यक्षतर्फ उठाउने तयारी समेत गरेको थियो । तर त्यतिबेला चौधरीले प्रत्यक्षमा चुनाव लड्न चाहेनन् ।
२०६४ को संविधान सभा चुनावमा एमालेबाट समानुपातिक सभासद बनेका चौधरी २०७४ मा भने कांग्रेसबाट समानुपातिक सांसद बनेका थिए ।
