प्रतिनिधिसभा र प्रदेशसभा सदस्य निर्वाचनमा धनकुटाबाट ६० प्रतिशत मत खसेको प्रारम्भिक अनुमान गरिएको छ। जिल्ला निर्वाचन कार्यालय धनकुटाले दिएको जानकारी अनुसार जिल्लाभरिका १ सय १९ मतदान स्थलका १ सय ६२ मतदान केन्द्रबाट ६० प्रतिशत मत खसेको प्रारम्भिक अनुमान गरिएको हो।
जिल्लामा महिला ५८ हजार ५ सय ४६ र पुरुष ५८ हजार ४ सय ४५ गरी कुल १ लाख १६ हजार ९ सय ९१ जना मतदाता थिए।
बिहान ७ बजेदेखि भएको मतदान कार्य साँझ ५ बजे सम्पन्न भएको थियो। अहिले सर्जिमिन मुचुल्का उठाएर मतपेटिकालाई सिल गरी सदरमुकामस्थित सामुदायिक भवनको रहेको मतगणना स्थलमा ल्याउने क्रम जारी छ।
