विराटनगर । मोरङको रंगेलीमा मोटरसाइकल दुर्घटना हुँदा एक जनाको मृत्यु भएको छ ।
सोमबार राति ८:३० बजेतिर रंगेली–३ निशान थानस्थित नजिकै भित्री सडक खण्डमा दक्षिणबाट उत्तर तर्फ जादै गरेको प्र न १–०२–०४४ प ४४०९ नम्बरको मोटरसाइकल आफै अनियन्त्रित भई बिजुलीको पोलमा ठोक्किएर दुर्घटना भएको थियो ।
मोटरसाइकल चालक सोही स्थानका ५३ वर्षीय जितेन्द्र पौडेलले आफूलाई केही नभएको र बाहिरी चोटसमेत नदेखिएका उनी राति ९ बजेतिर आफै घरमा पुगेर सुतेका थिए ।
सोमबार विहान उनी सुतेकै अवस्थामा मृत भेटिएका थिए ।
घटना बारेमा थप अनुसन्धान भइरहेको जिल्ला प्रहरी कार्यालय मोरङले जनाएको छ ।
