विराटनगर । आर्थिक रुपले विपन्न विद्यार्थीहरुका लागी हाम्रो पहिलो पाईला नामक सामाजिक सस्थाले विराटनगरमा एक फरक अभियान सुरुवात गरेको छ ।
जाडो महिनामा आर्थिक विपन्न भएका विद्यार्थीलाई न्यानो कपडा खरिद गर्ने उदस्यका साथ ‘हाम्रो पहिलो पाहिला’ले चिया बेच्दै सामाजिक सेवाको काम सुरुवात गरेको हो ।
विराटनगरको ट्राफिक चौक स्थित कर कार्यलय अगाडी बसेर सस्थामा आवद्ध सदस्यहरुले चिया बेच्दै आर्थिक सहयोग जुटाउदै आएका छन् ।
शनिबार बिहानदेखी दिनभर उनीहरुले चिया पकाएर बेच्दै आएका थिए । चिया पिउनेहरुले चियाको मुल्य बराबर रकम सहयोग गर्थे भने कतिपयले त्यो भन्दा बढी सहयोग गरेका थिए ।
चिया बेचेर संकलन भएको रकमले ग्रामिण भेगमा रहेका अर्थिक विपन्न विद्यार्थीहरुलाई न्यानो कपडा वितरण गरिने सो सस्था विराटनगरका सचिव अभिषेक गौतमले जानकारी दिनुभयो ।
२०७३-७४ सालबाट देश व्यापी नै चलाएको अभियान हो, गौतमले भन्नुभयो,‘आउँदै गरेको जाडोमा विराटनगर लगायत ग्रामिण भेगका आर्थिक विपन्न विद्यार्थीहरुलाई कपडा संगसंगै खाद्यन्न सामाग्री पनि वितरण गरिने छ ।’
