ताप्लेजुङ । ताप्लेजुङबाट भरुवा बन्दुक सहित एकजनालाई प्रहरीले पक्राउ गरेको छ ।
पक्राउ पर्नेमा फक्तालुङ गाउँपालिका-५ ओईतुङ बस्ने ४० वर्षीय कुमार लिम्बुलाई १ नाल भरुवा बन्दुक सहित शनिबार बिहान प्रहरीले पक्राउ गरेको हो ।
कुमारले सामान्य वादविवाद र झै-झगडामा भरुवा बन्दुक प्रहार गर्दा उनकै दाजु घाइते भएको भन्ने खबर प्राप्त हुनासाथ प्रहरी चौकी तापेथोकबाट खटिएको प्रहरीले उनलाई उक्त बन्दुक सहित पक्राउ गरेको हो ।
घटना बारेमा प्रहरीले थप अनुसन्धान गरिरहेको जनाएको छ ।
