सप्तरी । सप्तरीमा खाद युरियाको कालोबजारी गरेको अभियोगमा एकजनालाई प्रहरीले पक्राउ गरेको छ।
मल खाद युरियाको कालोबजारी गरेको अभियोगमा राजबिराज नगरपालिका-१० दिघवा बस्ने १९ वर्षीय राज कुमार दासलाई आइतबार दिउँसो प्रहरीले पक्राउ गरेको छ ।
उनले संचालन गरेको किराना पसलमा युरिया मल खाद लुकाई छिपाई भण्डारण गरी सरकारले निर्धारण गरेको मुल्य भन्दा बढी मुल्यमा बिक्री गर्दै आइरहेको छ भन्ने सूचनाको आधारमा जिल्ला प्रहरी कार्यालय सप्तरीबाट खटिएको प्रहरीले तलासी गर्दा प्रति बोरा ५० केजीको दरले ३५ थान युरियाको बोरा भण्डारण गरी राखेको अवस्थामा फेला पारी उनलाई पक्राउ गरेको हो ।
उनी उपर जिल्ला प्रशासन कार्यालयबाट ७ दिन म्याद थप अनुमती लिई आवश्यक अनुसन्धान भइरहेको प्रहरीले जनाएको छ ।
फोटो:फाइल
