इटहरी । सुनसरीको इटहरी उपनगरपालिका–२ का आश्विन राईको मोटरसाइकल चोरी आरोपमा इटहरी–१ का २२ वर्षीय सौगात थापा पक्राउ परेका छन् । गत पुस १७ गते को २० प ३८४ नम्बरको हराएको मोटरसाइकल खोजतलास गर्ने क्रममा पुस २२ गते इटहरी–६ बाट पक्राउ परेको हो ।
चोरी भएर खोजतलास भईरहेको मोटरसाइकलमा थापा स्वयम् सवार रहेको अवस्थामा पक्राउ परेको इलाका प्रहरी कार्यालय इटहरीका प्रहरी निरीक्षक भीमबहादुर बस्नेतले जानकारी दिएका छन् । पक्राउ परेका थापा विरुद्ध मुलुकी अपराध संहिता २०७४ अन्तर्गत चोरी मुद्दामा म्याद थप भई अनुसन्धान सुरु गरिएको छ ।
