विराटनगर । माओवादी केन्द्र संसदीय दलका नेता ईन्द्रबहादुर आङ्बोले प्रदेशको नामकरण गर्न नसक्दा विकासका काम ओझेल परेको बताएका छन् । मंगलबार प्रदेश सभाको दोश्रो बैठकमा शुभकामना मन्तव्य राख्दै उनले यस्तो बताएका हुन् ।
अघिल्लो कार्यकालमा नामकरण हुन नसक्दा आफूहरु चौतर्फी आलोचनाको सिकार बनेको समेत बताए । उनले अबको सरकारले समयमै प्रदेशको नाम राखेर प्रदेशको औचित्य पुष्टि गर्नुपर्नेमा जोड दिए । उनले अघिल्लो कार्यकालमा विकास समृद्धिका धेरै काम भए पनि नामकरण नहुँदा सबै कामहरु आझेलमा परेको उनको भनाई थियो ।
आङबोले संघीयता मुलुकको आवश्यकता भएको बताउदै मंगलबार प्रदेशसभाको दोस्रो बैठकमा बोल्दै आङ्बोले संघीयता कसैको असन्तुष्टि साम्य गर्नका निम्ति र द्धन्द व्यवस्थापनका लागि नआएको बताए ।
संघीयता देशको भौगोलिक, जातीय र सांस्कृतिक बनोटका आधारमा राज्यको पुर्नसंरचना र शक्तिको बाँडफाँडका लागि ल्याइएको उनले बताए । मुख्यमन्त्री हिक्मतकुमार कार्कीले साझा समझदारीका साथ प्रदेशको नामकरण गर्ने प्रतिबद्धता जनाएका छन । उनले बैठकलाई सम्बोधन गर्दै नाम राख्न नसक्दा चौतर्फी आलोचना बेहोरेको बताउदै अघिल्लो कार्यकालमा थाती रहेको नामको विषय टुंगो लगाउने दायित्व रहेको बताए । उनले प्रदेशको भौतिक संरचमा निर्माण उच्छ प्राथमिकतामा रहेको समेत बताए ।
