विराटनगर । प्रदेश नम्बर १ का मुख्यमन्त्री हिक्मतकुमार कार्कीले प्रादेशिक संरचना स्थापित गर्ने कार्यभार सबै संसदहरुको दायित्व भएको बताएका छन् । प्रदेशको औचित्य पुष्टि गर्न सबै एकजुट भएर अघि बढ्नुपर्ने मुख्यमन्त्री कार्कीको भनाई छ ।
प्रदेशसभाको दोस्रो बैठकमा मंगलबार बोल्दै उनले प्रादेशिक संरचना सेवा प्रवाह र देश विकासका लागि महत्वपूर्ण भएको बताए । फजुल खर्च र बेरुजुका आधारमा संघ र स्थानीय सरकारभन्दा प्रदेश सरकार सहि देखिएको मुख्यमन्त्री कार्कीले बताएका छन् ।
प्रदेशको अधिकार प्राप्तिका लागि प्रदेशसभाका सबै दल एकमतका साथ उभिनुपर्ने मुख्यमन्त्री कार्कीले आग्रह गरे । प्रदेश संरचनालाई स्थापित गरी मजबुत र स्थायी बनाउनका लागि सबै राजनीतिक दलहरु एक ठाँउ उभिनुपर्नेमा उनको जोड छ ।
