झापा । बुद्धशान्ति गाउँपालिका-३ बुधबारे बजारबाट अवैध लागूऔषध ब्राउन सुगर जस्तो देखिने खैरो लिसाईलो पदार्थ ५ ग्राम १ सय १० मिलिग्राम सहित ३ जनालाई आइतबार साँझ प्रहरीले पक्राउ गरेको छ ।
पक्राउ पर्नेहरुमा बुद्धशान्ति गाउँपालिका-३ बस्ने २४ वर्षीय अजय तामाङ, १९ वर्षीय संदेश राई र २० वर्षीय सन्तोष राजबंशी रहेका छन् ।
ईलाका प्रहरी कार्यालय बुधबारेबाट खटिएको प्रहरीले प्रदेश १-०१-००२ ह ३५६ नम्बरको अटोलाई जाँच गर्ने क्रममा अटोमा लुकाई छिपाई ल्याउदै गरेको उक्त लागूऔषध सहित फेला पारी अटो चालक अजय तामङ समेत उनीहरुलाई पक्राउ गरेको हो ।
घटना बारेमा प्रहरीले थप अनुसन्धान गरिरहेको जनाएको छ ।
