विराटनगर । मोरङको रतुवामाईस्थित डाम्राभिट्टा बोर्डिङ्ग स्कुलले वार्षिकोत्सव तथा अभिभावक दिवस मनाएको छ ।
शुक्रबार स्कुलले एक कार्यक्रम आयोजना गरी वार्षिकोत्सव तथा अभिभावक दिवस मनाएको हो ।
वार्षिकोत्सव कार्यक्रममा विद्यार्थीहरुले गीत, नृत्यलगायतका विभिन्न प्रस्तुती देखाएका थिए ।
कार्यक्रमको प्रमुख अतिथि विद्यालयका अध्यक्ष पुन्य भट्टराई रहेका थिए । भने अन्य अथितिमा विद्यालय व्यवस्थापन समितिका अध्यक्ष सोम भट्टराई, रतुवामाई नगरपालिका वडा ६ का वडा अध्यक्ष तुलाराम लुइटेल लगायतको उपस्थिति रहेको थियो।
कार्यक्रममा बोल्दै स्कुलले लामो समयदेखि विद्यार्थीहरुलाई गुणस्तरीय शिक्षा प्रदान गर्दै आएको र आगामीदिनहरुमा समेत गुणस्तरीय शिक्षा प्रदान गर्दै जाने विद्यालय व्यवस्थापन समितिका अध्यक्ष सोम भट्टराईले बताए।
कार्यक्रममा सात सय जनाभन्दा बढीको सहभागिता रहेको थियो । मन्टेश्वरीदेखी कक्षा १२ सम्म पढाइ हुँदै आएको स्कुलमा ६ सय जना विद्यार्थी अध्ययनरत रहेको स्कुलले जनाएको छ ।
उक्त स्कुलमा अध्ययन गरिसकेका विद्यार्थीहरु अहिले नेपाल तथा अन्य देशहरुमा उच्च शिक्षा हासिल गर्न सफल भएका साथै विभिन्न क्षेत्रमा कार्य गर्न सफल समेत भएको विद्यालयका अध्यक्ष पुन्य भट्टराईले बताए ।
