उदयपुर । उदयपुरको बेलका नगरपालिका–९ भचुवाका २७ वर्षीय विनोद खत्रीले श्रीमती युनिका पौडेल खत्रीलाई जङ्गलमा लगेर धारिलो हतियार प्रहार गरी हत्या गरेका छन् ।
इलाका प्रहरी कार्यालय रामपुर ठोक्सिलाका अनुसार नगरपालिका–६ को जाप्पादेवी रमिते सामुदायिक वन क्षेत्रभित्र बिहीबार दिउँसो दुवै जना घरबाट घाँस काट्न गएकोमा २३ वर्षीयाा श्रीमती युनिका पौडेल खत्रीको हत्या भएको हो ।
उनको जङ्गलमा शव फेला परेपछि श्रीमान्लाई प्रहरीले हत्या आरोपमा पक्राउ गरेको छ ।
प्रहरीले त्यहाँ कानुनी प्रक्रिया पूरा गरी शव पोष्टमार्टमका लागि बीपी कोइराला स्वास्थ्यविज्ञान प्रतिष्ठान धरान पठाएको थियो ।
