काठमाडौं । नेपाल विद्युत् प्राधिकरणले आफ्नो मोबाइल एप्लिकेसन (एप) सञ्चालनमा ल्याएको छ । सेवालाई छरितो, गुणस्तरीय र आधुनिक बनाउन एप सञ्चालनमा ल्याइएको हो ।
ग्राहकका गुनासोसमेत व्यवस्थापन गर्न सजिलो हुने गरी मोबाइल एम ‘एनई एप’ सञ्चालनमा ल्याएको प्राधिकरणले जनाएको छ ।
यो एप प्रयोगका लागि मोबाइलको ‘प्ले स्टोर’मा गई ‘NEA Official App’ सर्च गरी डाउनलोड गर्न सकिनेछ ।
यो एपबाट मिटर रिडिङ, बिलिङ, मसहसुल भुक्तानी, चार्जिङ स्टेशनको जानकारी प्रदान गर्नुका साथै विद्युत आपूर्तिसम्बन्धी जानकारी दिइने प्राधिकरणले जनाएको छ ।
सेवा लिन सरल र सहज हुने भएकोले यो एपको प्रयोग गर्न प्राधिकरणले सेवाग्राहीमा अपिल गरेको छ ।
