विराटनगर । मोरङको कानेपोखरी गाँउपालिका-५ बाट लागुऔषध ब्राउनसुगर सहित एक जनालाई प्रहरीले पक्राउ गरेको छ ।
पक्राउ पर्नेमा उर्लाबारी नगरपालिका-२ का २९ बर्षीय मिलन ढकाललाई प्रहरीले पक्राउ गरेको हो।
लागुऔषध ब्राउनसुगरको ओसार पसार भईरहेको भन्ने विशेष सुचनाको आधारमा ईलाका प्रहरी कार्यालय पथरीबाट खटिएको प्रहरी टोलीले ढकाललाई ३६० मिलिग्राम लागुऔषध ब्राउनसगुर सहित मंगलबार दिउँसो पक्राउ गरेको थियो ।
लागुऔषध सहित पक्राउ परेका ढकालको घटना सम्बन्धमा प्रहरीले थप अनुसन्धान गरिरहेको जनाएको छ ।
