काठमाडौँ । काठमाडौँ महानगरपालिकाका मेयर बालेन्द्र शाह(बालेन) ले केन्द्र सरकारलाई काठमाडौँकाे हितमा काम नगर्ने भए सिंहदरबार अरू पालिकामा सार्न सुझाव दिएका छन् ।
बिहिबार सामाजिक सञ्जाल फेसबुकमा स्टाटस लेख्दै शाहले यस्तो सुझाव दिएका हुन् ।
शाहले फेसबुकमा यस्तो लेखेका छन् : ‘कि काठमाडौँकाे हितमा काम गर्नुहोस्, कि सिंहदरबार अरू पालिकामा सार्नुहोस् । हामी काठमाडौँवासीलाई कुनै आपत्ति छैन, चाहे सिंहदरबार सार्नुस् कि राजधानी सार्नुस् । हामीलाई हाम्रो सम्पदा, संस्कृति, कला, सम्भता चाहिन्छ, राजनीति होइन ।’
