काठमाडौं । दक्षिण एसियाली फुटबल महासङ्घले आयाेजना गर्ने साफ च्याम्पियनसिप २०२३ मा नेपाल समूह ए मा परेको छ।
दक्षिण एशियाली फुटबल महासंघ(साफ)ले बुधबार सार्वजनिक गरेको खेलतालिकाअनुसार समूह 'ए' मा नेपाल र भारतसँगै कुवेत र पाकिस्तान रहेका छन्। समूह 'बी'मा लेबनान, माल्दिभ्स, भुटान र बङ्गलादेश छन्।
प्रतियोगिता आउँदो असार ६ गतदेखि असार १९ गते (जुन २१ देखि जुलाई ४) सम्म दक्षिण भारतीय शहर बैंगलोरमा आयोजना हुनेछ ।
फिफाले प्रतिबन्ध लगाएका कारण यस पटक श्रीलंका प्रतियोगितामा समावेश रहेको छैन। साफले यस पटक कुवेत र लेबनानलाई पाहुना टोलीका रुपमा आमन्त्रण गरेको हो।
