भन्दै नभन्दा पनि हानी हुने
ख्यालै नगर्दा पनि झन् नहुने ।
के यो अवस्था हुन हो यहाँको
यो खुल्दुली नै छ जहाँ तहाको ।।
ठूला सबैका सुविचार धेरै
यी नासिदैछन् पुतली बनेरै ।
चिन्ता र पीडा रति नै नभाको
देख्ने छ बानी सपना यिनैको ।।
प्राणी अनेकौ हुल चै छ ऊ
यो राष्ट्र नै ता हुनि भो नि धुलो।
खाली विषै सर्प सरी रहिगो
ईखै विनाको जन यो भइगो ।।
प्याला उही नै छ सिसी त अर्को
हेर्नै नसक्ने रमिता छ घरको ।
देख्दा त यो लाग्छ मलाई झर्को
हेर्छौ कति ता रमिता छ चर्को ।।
बानी सबैको पशुतुल्य भाको
खिचा र तानी कहिले नगाको ।
अल्झिरहेछन् नि नपाई भेऊ
हे सज्जन आई सुविचार देऊ ।।
