धनकुटा । धनकुटाको छथरजोरपाटी गाउँपालिका-५ स्थितबाट प्रतिबन्धित औषधी सहित एक जनालाई प्रहरीले पक्राउ गरेको छ ।
मंगलबार बिहान साढे १० बजे छथरजोरपाटी -५ घर भई हाल छथरजोरपाटी-६ स्थित बस्दै आएका २३ बर्षीय फुर्सुदी शेर्पालाई पक्राउ गरेको हो।
कोठामा प्रतिबन्धित औषधी राखेको छ भन्ने विशेष सुचनाको आधारमा प्रहरी चौकी सिधुवाबाट खटिएको प्रहरी टोलीले खोजतलास गर्ने क्रममा उक्त कोठाबाट ईस्पासपेन १ हजार ५ सय ५५ क्यापसुल र १ हजार १ सय ५८ क्यापसुल ट्रामोल बरामद गरेसगै शेर्पालाई प्रहरीले पक्राउ गरेको थियो ।
पक्राउ परेका उनको जिल्ला प्रहरी कार्यालय धनकुटाबाट थप अनुसन्धान भईरहेको प्रहरीले जनाएको छ ।
