गजल

-किस्मत खतिवडा
तिम्रो मन, मेरो जीवन उस्तै लाग्छ
बर्षे झरी, रुझेका नयन उस्तै लाग्छ

जति पीडामा पनि नपग्लिने, नसम्झिने
यो पत्थर अनि त्यो धड्कन उस्तै लाग्छ

एउटाले तन रेट्छ, मन रेट्छ अर्कोले
हतियार उस्तै लाग्छ वचन उस्तै लाग्छ

प्रगति हुँदा दुबै भित्र-भित्रै डाहा गर्छन्
मलाई आफन्त मेरा दुश्मन उस्तै लाग्छ

यो खबर पढेर तपाईलाई कस्तो महसुस भयो ?

तपाईको प्रतिक्रिया लेख्नुहोस्