-शिखा खतिवडा
पिडा झैँ बन्दै अब भरेर मेरा यी नयनले
झरी जस्तै नै फेरि झरेर मेरा यी नयनले
दु:खेकाे छु यति बेला मेराे याे जिन्दगीमा
मेरै हृदयमा पाे छल गरेर मेरा यी नयनले
हूँ नदीको त्याे किनारा प्यासले अतृप्त छु
बगर भिजाउने आँसु छरेर मेरा यी नयनले
बेखबर बने छ शाेकहरुले नै मेराे जिन्दगी
अपयसकाे घेराभित्र परेर मेरा यी नयनले
धेरै दुख्नुछ शिखासँग दुख्दै गर ए जिन्दगी
भिज्दैछन् अधर भरि सरेर मेरा यी नयनले
