-सविना श्रेष्ठ
पट्टेर लाग्दो जंगलबाट
निस्केको हुस्स कुहिरोमा
पनि द्वन्द छ
आकाशमा उडिरहेको कालो
बादलमा पनि द्वन्द छ
यो कस्तो रमिता?
बिहानिको कलिलो घाममा
पनि द्वन्द नै छ।
चरा चुरुङ्गिमा पनि द्वन्द नै
खोला नाला नदिमा पनि
त्यही छ
झार जंगलमा पनि त्यहिनै
छ।
यो कस्तो रमिता?
शरीरमा भएका आला घाउ
मलम बिच द्वन्द छ
खल खलती पसिना र पानी
बिच द्वन्द छ
यो कस्तो रमिता ?
नसाको रगत रगत बिच
द्वन्द छ
हेर्नुस् न ती कुर्सी कुर्सी
बिच द्वन्द छ
यो कस्तो रमिता?
