- समिन बरुवाल
जब उडेर गए मनबाट रहर सबै
तब भत्किए सपनाहरुको घर सबै
गल्लिमा आँखा झुकाएर हिड्नपर्छ
कातिल छन् यहाँ सबका नजर सबै
देशमा सालिकहरु राजनिती गर्छन्
भ्रष्टहरुको सिधाान्त छ अमर सबै
सफलतामा बधाइ दिन आफन्तहरु
हातमा बोकेर आएकाछन् खन्जर सबै
को चै यात्री हो र?कहाँ यात्रा छ र ?
झुटो रहेछ जिन्दगीको सफर सबै
मेरो मृत्युले स्वयं मसंग झुकेर गयो
छन् ब्यर्थ तिम्रा जहरका असर सबै
