-सविना श्रेष्ठ
बिना गल्ती सजाय जेलमा सढाएर सके
हत्याराहरु यो देशमा अझै बढाएर सके
पद र पावर भएपछि निमुखाहरु रुएको हो
नेताभन्ने बित्तिकै मनमा घृणा गढाएर सके
रगतको खोलो तर्न बाध्यतामा पुगेका युवा
मसाल जुलुस संगै एक अर्का लडाएर सके
हरियाली सान्त र स्वाच्छ देश नेपाल हाम्रो
चुचुरोमा बसि फेँदीबाट आगोले डढाएर सके
ए नालायक रास्ट्र्घाती हो मरेहुन बरु पासोलागी
आफ्नो स्वाभिमान हत्याराको पाउमा चढाएर सके।।
