उदयपुर । उदयपुरको चौदण्डीगढी नगरपालिका-४ र ६ बाट प्रतिबन्धित औषधी सहित दुई जनालाई प्रहरीले पक्राउ गरेको छ ।
आइतबार राती १० बजे बिशेष सूचनाको आधारमा ईलाका प्रहरी कार्यालय बेल्टारबाट खटिएको प्रहरी टोलीले चौदण्डीगढी- ४ स्थित २९ बर्षीय ईश्वर राईको घरमा खानतलासी गर्दा घरमा लुकाईछिपाई राखेको अवस्थामा प्रतिबन्धित औषधी ट्रामाडोल १ सय ७० र डिकोलिक १ सय ६० ट्याबलेट बरामद गरेको साथै चौदण्डीगढी- ६ स्थित २८ बर्षीय हिमाल खड्काको साथबाट ट्रामाडोल १ सय ४५ र डिकोलिक १ सय ४५ ट्याबलेट औषधी बरामद गरेको हो ।
लागुऔषधसहित पक्राउ परेका उनीहरुको सम्बन्धमा थप अनुसन्धान भईरहेको प्रहरीले जनाएको छ ।
