प्रधानमन्त्री पुष्पकमल दाहाल भूकम्प प्रभावित क्षेत्रको अवलोकन गर्न जाजरकोट पुगेका छन् ।
ऊर्जा, जलस्रोत तथा सिँचाइमन्त्री शक्तिबहादुर बस्नेत, सांसद जनार्दन शर्मा र स्वास्थ्यकर्मीको टोलीसहित त्यहाँ पुगेका दाहालले प्रमुख जिल्ला अधिकारीसमक्ष क्षतिबारे जानकारी लिएका छन् । उनी निरीक्षणका लागि भूकम्प क्षतिग्रस्त क्षेत्रमा जाने तयारीमा छन् ।
यस भूकम्पबाट जाजरकोट र रुकुमपश्चिममा गरी १ सय २८ जनाले ज्यान गुमाएका छन् भने भूकम्पबाट १ सय ४० जना घाइते भएका छन् ।
