- शिखा खतिवडा
अब घरको हेलाँमा पनि सिमित हुनुपर्छ
कहिले कसो हैन सधैं एउटै रित हुनुपर्छ
मेरै पाखुरीको मैलो खान पल्किनेहरु हाे
कति दिन आश्वासनमा झुटो प्रित हुनपर्छ
सधैंभरि भेदभाव गरून् केहि छैन तरपनि
अब यहाँ मेरो हार सधैँ तिम्रो जीत हुनपर्छ
मलाई जस्तै अरुलाई रुवाउने आँट नगर्नु
म खिया बनेर खिइनेछु तिम्रो हित हुनुपर्छ
मेरा हरेक त्याग नसम्झिने स्वार्थी मनहरु
तिम्रा हरेक खुशीका लागि म शित हुनुपर्छ ।
