विराटनगर । मोरङको मिक्लाजुङ–३ मा रहेको निसेलुङ भ्युटावरको र फनपार्कको भोली कार्तिक १९ गते आईतबार उद्घाटन गरिने भएको छ ।
मोरङ क्षेत्र नम्बर १ का प्रतिनिधिसभा सदस्य, युवा तथा खेलकुद मन्त्री डिगबहादुर लिम्बूले भ्युटावर र फनपार्कको उद्घाटन गर्ने कार्यक्रमतय भएको निसेलुङ पर्यटन एव प्रबद्र्धन समितिका अध्यक्ष खगेन्द्र मादेन लिम्बूले जानकारी दिए ।
उद्घाटन पश्चात गायिका सुनिता थेगिम लगायत कलाकारहरुको समेत प्रस्तुति रहने जनाइएको छ । भ्युटावर निर्माणमा राज्यको ८० लाख रुपैयाँ खर्च भएको छ ।
फनपार्कमा निजी स्तरबाट १ करोड बढी खर्च भएको फनपार्कका सञ्चालक इन्द्रमणि भट्टराईले जानकारी दिए ।
भ्युटावर भित्र नेपाल मै पहिलो पटक निर्माण गरिएको उल्टोघर, बाल उद्यान,भ्युटावर लगायत यहाँको आकर्षण रहेको छ ।
