काठमाडौं । कतार पठाइदिन्छु भन्दै रकम ठगी गर्ने एक जना व्यक्तिलाई प्रहरीले पक्राउ गरेको छ ।
काठमाडौं उपत्यका अपराध अनुसन्धान कार्यालयको टोलीले आज बसुन्धराबाट मोरङको पथरी शनिश्चरे-७ घर भइ हाल काठमाडौंको मनमैजु बस्ने ३३ वर्षीय भिम बहादुर तामाङलाई पक्राउ गरेको हो ।
तामाङले अनिता मगरातीलाई वैदेशिक रोजगारीका लागि कतार पठाइदिन्छु भन्दै एक लाख छयासी हजार रुपियाँ लिएर सम्पर्क विहीन भएको प्रहरीले जनाएको छ ।
घटना बारेमा थप अनुसन्धान तथा कारबाहीका लागि तामाङलाई वैदेशिक रोजगार विभाग ताहाचल, काठमाडौं पठाइएको प्रहरीले जनाएको छ ।
