विराटनगर । मोरङको बेलवारी नगरपालिका-१० भाउन्ने जंगल स्थितमा जंगली हात्तीको आक्रमणबाट एक जना साइकल यात्रीको मृत्यु भएको छ ।
आज बिहान साढे ९ बजे लेटाङबाट लक्ष्मीमार्ग तर्फ आउदै गरेका साइकल यात्री लेटाङ नगरपालिका- ३ का ५३ बर्षीय कमल माझीलाई जंगली हात्तीले आक्रमण गर्दा घटनास्थलमा मृत्यु भएको हो ।
घटना बारे जानकारी पाएसंगै अनुसन्धान तथा कानुनी प्रकृयाको लागि ईलाका प्रहरी कार्यालय बेलबारीबाट प्रहरी टोली खटिगई घटना सम्बन्धमा थप अनुसन्धान भईरहेको प्रहरीले जनाएको छ ।
