काठमाडौं । आज सुनको मूल्य तोलामा दुई हजार चार सय रुपैयाँले घटेको छ ।
निरन्तर उकालो लागेको सुनको मूल्य आज घटेको हो ।
आज छापावाल सुनमा दुई हजार चार सय रुपैयाँ घटेर प्रतितोला एक लाख १९ हजार दुई सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
सोमबार सुनको मूल्य अहिलेसम्मकै उच्चबिन्दुमा पुगेको थियो । सोमबार सुन प्रतितोला एक लाख २१ हजार ६ सय रुपैयाँमा कारोबार भएको थियो ।
त्यस्तै, आज तेजाबी सुनको मूल्य प्रतितोला एक लाख १८ हजार ६५० रुपैयाँमा कारोबार भईरहेको महासङ्घले जनाएको छ । तेजावी सुनको मूल्य तोलामा दुई हजार ३५० रुपैयाँले घटेको छ ।
आज चाँदीको मूल्य पनि प्रतितोला ४५ रुपैयाँले घटेर १५ सय रुपैयाँमा कारोबार भइरहेको छ ।
हिजो चाँदी प्रतितोला एक हजार ५४५ रुपैयाँमा कारोबार भएको थियो ।
