-सुमन धमला
ए हुनेखाने भए पो भुँडी लाग्छ गाला लाग्छ
हुँदा खानेलाई त लागि हाले पनि पखाला लाग्छ
जाउँ घर फोडौं ति सामन्तीका काला महलहरू
कि ढाडको छाला जान्छ कि हातको बाला जान्छ
बोली बिक्नेले बोलिदिए पो जोगिन्थ्यो होला
हामी त के बोलौं बोल्यो कि छातीमा भाला जान्छ
अहिले हाम्रो देशमा यति धेरै राजनीति छ बढेको
विद्यालय जस्तो ठाउँमा पढाई हुन्न बरू ताला लाग्छ
हामी जस्ता निमुखालाई जाबो चाडपर्वको महत्व के
धनीले त उत्सव मनाउँदा पनि घाँटीमा माला लाग्छ।
सिद्धिचरण नगरपालिका- १०, ओखलढुङ्गा
