-सपना कुँवर
उसको मनमा बसेकी, आजसम्म रानी उस्तै छ
मेरो भने उसलाई सम्झिएर, रुने बानी उस्तै छ
दुःख हटाउन पनि दुःख गर्नु पर्दोरहेछ नि आमा
सुख पाउन हिजो गरेको त्यो लगानी उस्तै छ
कुर्सीमा बसेर झुटा भाषण मात्र गर्छ सरकारले
हामी जनताको मनमा हानी- नोक्सानी उस्तै छ
लाखोैँको कार चढ्छन् अरे हाम्रो देशका नेताहरू
परदेशिएको साथीको आम्दानी र कहानी उस्तै छ
म कसरी माफ गरौं महोदय ? बारम्बार तिमीलाई
दिल दुखाउन गरिरहने गल्ती जानाजानी उस्तै छ
धादिङ
