विराटनगर । सङ्खुवासभाको धर्मदेवी नगरपालिका वडा नम्बर ७ मा रहेको न्यु युवा क्लबले आयोजना गरेको छैठौं आङ्बुरा कप फुटबल प्रतियोगिताको उपाधि धर्मदेवी युथ क्लबले जितेको छ।
माघ १ गते भएको फाइनल खेलमा न्यु सयपत्री युवा क्लबलाई २-१ गोलान्तरले पराजित गर्दै धर्मदेवी युथ क्लबले उपाधि जितेको हो।
पुस २६ गतेबाट सुरु भएको फुटबल प्रतियोगितामा १२ टिमको सहभागीता रहेको थियो।
प्रतियोगिताको विजेतालाई नगद रु. १०१००५ र ट्रफि,मेडल,प्रमाणपत्र प्रदान गरिएको छ। भने उपविजेता न्यु सयपत्री युवा क्लबले नगद रु. ५११०५, ट्रफि,मेडल,प्रमाणपत्र प्रदान गरिएको आयोजक न्यु युवा क्लबले जनाएको छ।
