मणिराम दाहाल
सुन्दरहरैंचा । राष्ट्रिय निजी तथा आवासीय विद्यालय एसोसिएसन नेपाल (एन प्याब्सन) सुन्दरहरैंचा नगर कार्य समितिले विद्यालय स्तरीय लोकनृत्य प्रतियोगिता आयोजना गर्ने भएको छ ।
मंगल स्मृति प्रतिष्ठान जेसिज हल विराटचाेकमा पत्रकार सम्मेलन गरेर माघ २६ गते शुक्रबार कार्यक्रम हुने बारे जानकारी गराएकाे हाे ।
कक्षा नर्सरीदेखि कक्षा २ सम्म जुनियर तथा कक्षा ३ देखि ८ सम्म सिनियर गरी १७ वटा एनप्याब्सनमा आवद्ध विद्यालयका एक सय ५० भन्दा बढी विद्यार्थीले प्रतियाेगितामा सहभागिता जनाउने आयाेजक समितिका नगर अध्यक्ष सुरेशकुमार खवासले बताए । उनले प्रतियोगितामा प्रथम द्धितीय र तृतीय हुनेलाई नगदसहित पुरस्कारको साथमा प्रमाणपत्र तथा ट्रफी प्रदान गरी पुरस्कृत गरिने साथै सान्त्वना स्थानसम्मको नृत्यलाई ट्रफी र प्रमाणपत्र दिइने जानकारी दिए ।
विद्यार्थीको कला प्रतिभा प्रस्फुटन र क्षमता बिकास गरी संस्कृतिको सम्मान गर्नका लागि प्रतियाेगिता आयोजना गरिएको एनब्यासन प्रदेश सह-सचिव कमल खनालले बताए । उनले प्रतियोगितामा प्रस्तुत हुने नृत्य र गीत, संगीत नेपाली लोककला, रीतिरिवाज साथै सम्बन्धित संस्कृतिको मौलिकता झल्कने हुनुपर्ने जानकारी दिए ।
