विराटनगर । मोरङको कानेपोखरी–२ बहत्तरबिघेस्थित अर्जुन विष्टको घरमा राति १२ बजेतिर आगलागी हुँदा ३१ लाख बढीको क्षति भएको छ ।
विद्युत सर्टभई आगलागी हुँदा ४ कोठे पक्की घरसहित लत्ताकपडा, काठपात, ६ तोला सुन, ३५ हजार नगद, ६५ मन धान, ग्वाली, एउटा खसी र ४ वटा बाख्रा जलेर नष्ट भएको इलाका प्रहरी कार्यालय पथरीका प्रमुख डिएसपी गणेश श्रेष्ठले जानकारी दिए ।
आगलागीमा करिब ३१ लाख १८ हजार बराबरको क्षति भएको प्रहरीले जनाएको छ । आगलागी प्रहरी, दमकल र स्थानीयको सहयोगमा आगो नियन्त्रणमा लिएको थियो। मध्यरातमा आगलागी हुदाँ घरका सरसरमान निकाल्ने क्रममा घरधनी अर्जुन विष्टको अनुहारमा आगोले पोलेर सामान्य घाईते भएको विष्टका आफन्त सृष्टि बजगाइले जानकारी दीइन ।
घाईते विष्टको स्थानीय स्वास्थ्य चौकीमा उपचार गरिएको छ।
